"Fənərbağça"nın qapıçısı Volkan Dəmirəlin qızını oğurlamaq planı qurduqları iddia edilən iki şübhəli hakim qarşısına çıxarılıb.
Şəxsiyyəti təsbit edilən şübhəlilərdən Mustafa Gül ittihamları qəbul etmədiyini ifadə edərək: "Digər şübhəli Yalçın zarafatla dilə gətirdiyimiz danışıqları həqiqət sanıb deyilənləri qeyd edib. Bunların həqiqətlə heç bir əlaqəsi yoxdur. Bəraətimi tələb edirəm", - deyib.
Məhkəmədə digər şübhəli Yalçın Çiçək isə: "Mustafa ilə bu mövzunu danışarkən çox ciddi bir şəkildə mənə təklif etdi. Mənsə bu məsələni nə mediada, nə də başqa bir yerdə dedim. Məsələ azyaşlı bir uşaqdan gedincə tüklərim ürpərdi", - deyə bildirib.
Dinləmələrin ardından məhkəmə təxirə salınıb.
Qeyd edək ki, Dəmirəlin şikayətçi olduğu şübhəlilərin cinayət planı ilə əlaqədar onlar haqda 10 ilə qədər həbs cəzası iddiası qaldırılıb.