Azərbaycan cüdoçuları "Qızıl Liqa" yarışının medallarını qazandılar

Sportarena.az      19 Dekabr 2018, 10:30

Azərbaycan cüdoçuları ilin sonunda da beynəlxalq yarışlarda uğurla çıxış ediblər. 


Sportarena.az xəbər verir ki, cüdoçularımız bu dəfə klublararası keçirilən Avropa "Qızıl Liqa" yarışının medallarını qazanıblar. Milli komandamızın aparıcı cüdoçularından olan Nicat Şıxəlizadə (66 kq) Gürcüstanın "Sagaredjo FF Superstars" klubunun heyətində "Qızıl liqa"nın qalibi olub. Rusiyanın Qroznı şəhərində keçirilən yarışda qonşularımız öncə "Sportinq"i (Portuqaliya) 3:2, sonra "Abensberq"i (Almaniya) 5:0 məğlub edib. Finalda həmyerlimizin komandası gərgin mübarizədə "Yavara Neva"nı (Rusiya) üstələyib – 3:2.


Millimizin olimpiya mükafatçısı Rüstəm Orücov (73 kq) da mükafatsız qalmayıb. Bütün çəki dərəcələrində dünya reytinq cədvəlinə başçılıq edən Rüstəm Orucov Portuqaliyanın "Sportinq" klubunun heyətində bürünc medal qazanıb. Fəxri kürsüyə gedən yolda portuqaliyalılar "Edelveys" (Qroznı) və "Nalçik" (hər ikisi – Rusiya) klublarını müvafiq olaraq 3:2 və 5:0 hesabları ilə məyus edib. Yarışların bağlanış mərasimində Nicat Şıxəlizadəyə Avropa "Qızıl Liqa"sının qızıl, Rüstəm Orucova isə bürünc medalı təqdim olunub.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin