Azәrbaycan kubokunun 1/4 final mәrhәlәsindә AZAL üzәrindә 1:0 hesablı qәlәbәdәn sonra komandanın üzvü Cavid Hüseynov jurnalistlәrә açıqlama verib.
Sportarena.az qafqazinfo-ya istinadən xәbәr verir ki, o, hәbsdәn çıxdıqdan sonra ilk dәfә danışıb:
"Artıq meydanlara uyğunlaşmışam. Әn yaxşısını baş mәşqçi bilәr. Özümü hazır hiss edirәm. Şans verildikcә meydana çıxıram. İki hissәdә oynaya bilәrәm. Sadәcә, mәnә tәlim-mәşq toplanışı lazımdır. Bundan sonra әvvәlki formama qayıdacam. Oyuna gәlincә, hәmişә AZAL-a qarşı matçlar çәtin olub. Bu dәfә dә eynisi oldu. Şükür ki, qәlәbә qazana bildik. Hakimә etirazlar olacağını әvvәldәn dә tәxmin etmәk olardı. Bu, hәr zaman var. Әsas qәlәbәdir".
Hüseynov yarımfinaldakı rәqibdәn dә danışıb: ""İnter" bu dәqiqә әn güclü komandalardan biridir. Formadadırlar. Onlara qarşı oyunumuz çox çәtin olacaq. Ümid edirәm ki, finala vәsiqә әldә edә bilәcәyik".