Bu gün Bakı İdman Sarayında kişilər və qadınlar arasında cüdo üzrə Azərbaycan çempionatına start verilib.
Sportarena.az xəbər verir ki, Azərbaycan Cüdo Federasiyasının təşkilatçılğı ilə keçirilən yarışda 48 klubdan 366 cüdoçu (315 kişi, 51 qadın) qüvvəsini sınayır.
Yarışda ölkəmizin ən güclü kişi və qadın cüdoçuları da mübarizə aparır. Azərbaycan çempionatının təntənəli açılış mərasimi dekabrın 22-i saat 17:00-da olacaq. İki gün baş tutacaq respublika çempionatının qalibləri milli komandamızın növbəti təlim-məşq toplanışına dəvət olunacaq.