"Qəbələ"dən 9 oyunda 7 qələbə

01:16 30 Dekabr 2016

AFFA-nın təşkilatçılığı ilə aşağı yaş qruplarından ibarət komandalar arasında keçirilən liqalarda 2016-cı ilin son oyunları keçirilib.

“Qəbələ” Futbol Akademiyasının təmsilçiləri də növbəti qarşılaşmalarını keçirib. 

U-19 XV turun oyununda AZAL-la görüşüb. Komandamız bu ev matçında 3:0 hesabı ilə qalib gəlib. U-17 isə XIV turun ev oyununda “Rəvan”la üz-üzə gəlib. 3:0 hesabı ilə qalib gələn “Qəbələ” 13 oyundan sonra xal hesabını 32-yə çatdırıb. U-15 Liqada I dövrənin sonuncu – XIII turu oynanılıb. “Qəbələ” səfərdə AZAL-ın qapısından 2 cavabsız qol keçirib. 

Şimal-Qərb və Qarabağ regionunun Qəbələ zonasında mübarizə aparan U-12, U-11 və U-10-ların yarışında XIII turun matçları baş tutub. Bu kateqoriyalarda “Qəbələ” bir neçə komanda ilə təmsil olunub. U-12 Liqasında “Qəbələ” “Daşqın”a qalib gəlib – 1:0. UGİM isə “Kürmük”lə heç-heçə edib – 0:0. U-11 Liqasında “Qəbələ” BOİK-i 8:0, UGİM “Kürmük”ü 5:3 hesabı ilə üstələyib. Üç komanda ilə təmsil olunan U-10 Liqasında “Qəbələ” ilk xal itkisi ilə üzləşib. Komanda UGİM (Şəki) ilə heç-heçə edib – 4:4. UGİM isə Yevlaxın UGİM “Rabitəçi”sini 7:0 hesabı ilə məğlub edib. Gİİ isə bu turda istirahət edib. “Qəbələ” 13 oyundan sonra 37 xalla 1-ci, 12 matç keçirən Gİİ 27 xalla 3-cü, UGİM 22 xalla 6-cıdir.


Digər xəbərlər

Xəbər xətti