İtaliyanın "Peskara" futbol klubunun yarımmüdafiəçisi Alberto Akvilani "Sassuolo" ilə müqavilə imzalayıb.
Sportarena.az xəbər verir ki, 32 yaşlı futbolçu klubda icarə əsasında 6 ay müddətinə çıxış edəcək.
Akvilani "Peskara"ya 2016-cı ilin yayında keçib. O, bunadək "Liverpul", "Milan", "Yuventus", "Roma" kimi klubların şərəfini qoruyub.
Qeyd edək ki, cari mövsümdə futbolçu İtaliya çempionatında 9 oyun keçirib, 1 qol vurub və 1 məhsuldar ötürmə ilə yadda qalıb.