"Kəpəz"in əvəzediciləri hazırlığa başladı

Sportarena.az      5 Yanvar 2018, 16:31

“Kəpəz”in əvəzedici heyəti üçün qış fasiləsi başa çatıb.


Sportarena.az xəbər verir ki, komanda bu gündən məşqləri bərpa edib. “Sarı-göylər” Gəncə şəhər stadionunda bir araya gəlib. Məşqdən öncə məşqçilər korpusu futbolçulara hazırlıq planı ilə bağlı məlumat verib, onlardan məşqlərə daha ciddi yanaşmaları istənilib.


Daha sonra çalışmalara start verilib. Təxminən saatyarım davam edən ilk məşq prosesi isinmə təmrinlərinin yerinə yetirilməsi ilə başlayıb, yüngül qaçışla davam edib. Hazırlığın sonunda futbolçular mini meydançada futbol oynayıblar.


Yaxın hazırlıq planına əsasən, yanvarın 7-dən əvəzedicilər Samux rayonunun Aşağı Ağasıbəyli kənd stadionunda məşq edəcək. Yanvarın 10-da komanda ikitərəfli oyun keçirəcək. Bu görüş baxışda olan futbolçulara özünü göstərmək üçün şansdır. İlk məşqdə iki belə oyunçu iştirak edib. Sabahdan başlayaraq U-17 və U-19 komandasından dəvət olunan beş futbolçu hazırlığa qoşulacaq.


Yanvarın 12-dən əvəzedicilər bir həftəlik təlim-məşq toplanışına başlayacaq. Toplanış Gəncədə keçiriləcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin