Bu həftə dövrələrarası fasilədə hazırlığın birinci mərhələsini başa vuracaq "Sumqayıt" təlim-məşq toplanışının növbəti mərhələsini Türkiyənin Antalya şəhərində keçirəcək.
Sportarena.az xəbər verir ki, yanvarın 10-da səhər saatlarında qonşu ölkəyə yola düşəcək komanda 10 gün hazırlıq prosesi keçəcək.
Samir Abasovun komandası Türkiyədə 3 yoxlama oyununda qüvvəsini sınayacaq. Rəqiblər barəsində klubun rəsmi internet səhifəsində açıqlama veriləcək. Rəqiblər Özbəkistanın "Nəcəf", Albaniyanın "Skenderbeu" və Qazaxıstanın "Atırau" klubları olacaq.