"Mainz" klubunun verdiyi məlumata görə, Yunus Mallı "Volfsburq" ilə 2020-21 mövsümünün sonuna qədər müqavilə imzalayıb.
"Volfsburq"un təlim məşq toplanışına qatılmaq üçün 24 yaşlı futbolçu "Mainz" düşərgəsini tərk edib. Almaniya mətbuatının xəbərlərinə görə, transfer üçün 12,5 milyon avro ödənilib.
9 dəfə Türkiyə millisinin şərəfini qoruyan Yunus Mallı 2011-ci ildən bəri "Mainz"da 146 oyunda 32 qol vurub və 23 məhsuldar ötürmə edib. Xatırladaq ki, o , Bakıda avroliqa oyununda Qəbələ ilə görüşdə komandasının ən fəallarından biri idi.