"Barselona"nın müdafiəçisi Jerar Pike İspaniya kubokunun 1/8 finalında ilk matçda "Atletik"ə (1:2) məğlubiyyətdən sonra hakimliyi tənqid edib. Halbuki 74-cü dəqiqədən etibarən meydan sahibləri 10 , 80-ci dəqiqədən isə 9 nəfərlə oynayıb.
"Mənə və Neymara qarşı kobudluq açıq-aşkar penalti idi. Amma nəyə görə penalti təyin edilmədiyini bilmirik. Nəticə elə də pis deyil. Cavab görüşündə qalib gəlib 1/4 finala çıxmağa çalışacağıq", — deyə Pike qeyd edib.