“Ardian Takayin bu cəlbedici təklifindən heç kim imtina etməzdi. Amma problem ondadır ki, “Skenderbeu” “ağ-göy” rəngli formada oynamır”.
Sportarena.az xəbər verir ki, bu sözləri “Qarabağ” futbolçusu Ansiq Aqolli deyib. "Qarabağ"ın Antalyada "Skenderbeu" ilə yoxlama oyunundan sonra Albaniya klubunun prezidenti Adrian Takay Aqollinin oyununu bəyəndiklərini və onu transfer etmək istədiklərini açıqlayıb. Albaniya millisinin üzvü isə bu təklifə zarafatla cavab verib:
“Albaniyada yalnız “Tirana”nın “ağ-göy” formasında çıxış etmişəm. Əgər “Skenderbeu” da “ağ-göy” rəngli formada oynasa, bu kluba keçərəm. Zarafat bir yana, Takay və "Skenderbeu"nun bütün əməkdaşlarına böyük hörmətim var. Onlar Albaniyada klub idarəçiliyində əsl nümunədir. Bu klubun nəticələri də onların əməyidir. Onlara uğurlar arzulayıram”.
Qeyd edək ki, “Tirana”nın yetriməsi olan 33 yaşlı Aqolli 2010-cu ildən “Qarabağ”da çıxış edir.