Bu gün “Kəpəz” növbəti sınaq matçını keçirib.
Sportarena.az xəbər verir ki, gəncəlilər Birinci Divizion təmsilçisi “Qaradağ Lökbatan”la qarşılaşıb. Şahin Diniyevin komandası Bakıda baş tutan yoxlama görüşünü 2:1 hesablı qələbəylə yekunlaşdırıb. Gəncə klubunun qollarını Fərid Məmmədovla Tural Rzayev vurub.
Axşam saatlarında Diniyevin yetirmələri bir matça da çıxacaq. “Kəpəz” aşağı liqa komandası “Zaqatala”yla üz-üzə gələcək.
Qeyd edək ki, daha öncə Gəncə təmsilçisi MOİK (0:0) və AZAL-la (1:2) sınaq oyunları keçirmişdi.