“Çelsi” “Bayer”in türkiyəli yarımmüdafiəçisi Hakan Çalhanoğlunu transfer etmək istəyir.
Sportarena.az xəbər verir ki, bu barədə İngiltərənin “San” nəşri məlumat yayıb. “Zadəganlar” 22 yaşlı futbolçunun transferi üçün 15 milyon funt-sterlinq ödəməyə hazırdı.
Türkiyə millisinin üzvünün transferində London klubunun baş məşqçisi Antonio Konte də maraqlıdır. O, Hakanı qış transfer pəncərəsində Çinin “Şanxay SİPG” klubuna transfer edilən Oskara əvəzləyicisi kimi görür.