“Barselona” Lionel Messi ilə yeni müqavilə imzalamaq barədə razılığa gəlib.
Sportarena.az xəbər verir ki, argentinalı hücumçu Kataloniya klubunun illik 40 milyon avro təklifi müsbət cavablandırıb. Başqa klubların da maraqlandığı Messini komandada saxlamaq üçün “Barsa” ona rekord məbləğdə maaş ödəməyə razı olub. Növbəti müqavilənin müddəti 2022-ci ilə kimi nəzərdə tutulub.
Qeyd edək ki, argentinalının “Barselona” ilə hazırkı müqaviləsi 2018-ci ildə başa çatır.