"9 nəfərlə müdafiə olunan rəqibə qol vurmaq çətindi" - Şahin Diniyev - MÜSAHİBƏ

17:38 4 Fevral 2017

Azərbaycan Premyer Liqasının 16-cı turunda səfərdə “Zirə”yə uduzan (0:1) “Kəpəz”in baş məşqçisi Şahin Diniyev oyunsonrası mətbuat konfrasında jurnalistlərin suallarını cavablandırıb.

 

Sportarena.az xəbər verir ki, mütəxəssis oyunla bağlı bunları deyib:

 

 

- Belə oyundan sonra danışmaq çətindi Komanda bütün oyunu hücumda olsa da, əldə etdiyimiz qol fürsətlərindən istifadə edə bilmədik. 9 nəfərlə müdafiə olunan rəqibə qol vurmaq çətindi. Bunun üçün oyunçularda ustalıq səviyyəsi yaxşı olmalıdı. Məğlubiyyətdə günahkar mənəm. Heç kimi günahlandırmaq istəmirəm. Özümüz bu quyuya düşmüşüksə, özümüz də çıxmalıyıq. “Zirə”ni təbrik edirəm. Komanda 65 dəqiqə yaxşı müdafiə olundu.

 

 

- Belə demək olar ki, komandada sizin “torbanız tikilir”?

- İnanmıram. Belə şey olsa, dərhal komandanı tərk edərəm. Bu, ən rahat çıxış yoludu - məğlubiyyəti futbolçuların, hakimlərin üstünə atmaq. Əgər belə bir şey varsa da, bunda günahkar mənəm.

 

 

- Darionun oyunundan nə dərəcədə razı qaldız? O, bu dəfə də istənilən səviyyədə oynaya bilmədi...

- Onun 90 dəqiqə yüksək səviyyədə oynaması üçün fiziki cəhətdən tam hazır olmalıdı. O isə təlim-məşq toplanışına gec qoşulduğundan, tam hazır deyil.

 

 

- Nicat Qurbanovun oyununu qənaətbəxş hesab edirsiz?

- Nicatın potensialı var. Sadəcə, bunu aça bilmir. Çox istəyərdim ki, o oynasın. Ancaq bunu gərək özü də istəsin.   


Digər xəbərlər

Xəbər xətti