Azərbaycan Premyer Liqasının 1-cı turu çərçivəsində keçirilən "Sumqayıt" - "İnter" matçından sonra meydan sahiblərinin baş məşqçisi Samir Abasov mətbuat konfransı keçirib.
Sportarena.az xəbər verir ki, 39 yaşlı mütəxəssis heç-heçəyə üzüldüyünü gizlətmədi.
- Maraqlı oyun izlədik. "İnter"lə oynamaq bizə həmişə çətin olur. Etiraf edim ki, heç-heçəyə görə sevinmirəm. Bərabərliklərlə uzağa getmək olmaz.
- Nəticəni məntiqli sayırsız?
- Nəticə ədalətlidi. Sadəcə, evdə oynadığımızdan, istəyirdik qalib gələk.
- Səmimi deyin, 1:2-dən sonra oyunun getdiyini düşündünüz?
- Etiraf edim ki, əlimi oyundan üzmüşdüm.
- Deyirsiz maraqlı oyun oldu. Ancaq sürət yox idi axı, oyunda. Siz tapşırmışdız oyunu qurutsunlar, yoxsa futbolçularınız rəqibin ad-sanından çəkindi?
Razılaşıram. Futbolçulara tempi aşağı salmaq tapşırığı verməmişdim. Çernışovun sürətinə güvənirdim. O da məşqdəki futbolu ortaya qoymadı. Əvəzetmədən oyuna daxil olanlar isə bəlkə də rəqibin adından çəkindi.
- Fərhad Vəliyevin oyununu şərh edərdiniz...
- Fərhaddan yerdən-göyə qədər razıyam. Oyunda da, paltardəyişmə otağında da, o, komandanın lideridi.