Premyer Liqanın 19-cu turunda "Qəbələ" ilə qarşılaşacaq "Qarabağ"ın heyətində itkilər var.
Sportarena.az xəbər verir ki, baş məşqçi Qurban Qurbanov çempionluğun taleyi baxımından önəmli matçda 3 futbolçunun xidmətindən yararlana bilməyəcək.
Kapitan Rəşad Sadıqov və ispan yarımmüdafiəçi Dani Kintana zədə səbəbindən kənarda qalacaq. Rəşadın nə vaxt meydana dönəcəyi bilinməsə də, Kintana üçün mövsüm bitib.
Ağabala Ramazanov isə cəza səbəbindən kənarda qalacaq. O, ötən tur sarı vərəqə limitini doldurduğundan məcburi istirahətə göndərilib.