Sportarena.az
23 İyun 2017

Ağasəlim Mircavadov: "Heç kim çıxıb deməməlidi ki, milliyə çağırılmalıyam" - MÜSAHİBƏ

12 Punto 14 Punto 16 Punto 18 Punto

Azərbaycanın əməkdar məşqçisi və Məşqçilər Komitəsinin üzvü Ağasəlim Mircavadovun Sportarena.az saytına müsahibəsi.

 

 

- Martın 9-da Milli komandamız Qətərlə yoxlama görüşündə qüvvəsini sınayacaq. DÇ-2018-in seçmə mərhələsində qarşılaşacağımız Almaniya ilə oyundan öncə bu hazırlığın komandaya nə kimi xeyri ola bilər?
- Baş məşqçi Robert Prosineçki çağırdığı futbolçuların durumunu öyrənəcək. Bunun komanda üçün necə olacağını oyun zamanı görəcəyik. Belə heç nə deyə bilmərik.

 

- Prosineçki sələfi Berti Foqtsdan fərqli olaraq daha az yoxlama oyunları keçirir. Bu, futbolçular arasındakı anlaşmaya mənfi təsir edə bilərmi?
- FİFA təqvimində yoldaşlıq oyunları üçün günlər olub ki, oynamamışıq?

 

- Məsələn, ötən ilin dekabr ayında...
- Dekabrda yoldaşlıq görüşü keçirərlər? Çempionatlar qurtarır, futbolçular yorğun olur. Yoxlama oyunları üçün uyğun vaxt deyil.

 

- Qətər millisini komandamızın gücünü öyrənmək baxımından münasib rəqib görürsüzmü?
- Bu oyun FİFA-nın təqvimdə yoxdu. Belə olan halda  rəqib tapmaq çətindi. Qətər millimiz üçün yaxşı rəqibdir. Bu matç komandaya xeyir verə bilər. Əgər həmin gün FİFA-nın təqvimində olsaydı, daha güclü rəqib tapmaq asan olardı.

 

- Son zamanlar futbol ictimaiyyətinin müzakirə etdiyi mövzulardan biri də "İnter"in futbolçusu Nizami Hacıyevin milli komandaya çağırılmamasıdı...
- Bu, Prosineçkinin seçimidi. Biz ona qarışa bilmərik. Hər məşqçi özünə lazım olan oyunçuları çağırır. Baş məşqçi udanda deyirik əladı. Uduzanda da günahı seçimində axtarırıq. Bu o deməkdi ki, məşqçi seçimlərinə özü cavabdehdi. Yaxşı da olsa, pis də olsa, özü cavab verəcək. Nizami "Xəzər Lənkəran"da mənim rəhbərliyim altımda oynayıb. Yaxşı futbolçudu. Elə bir yaşdadı ki, daima oynamalıdı. Bir-iki oyun yaxşı oynamaqla heç kim çıxıb deməməlidi ki, milliyə çağırılmalıyam Bunu ardıcıl yaxşı oynamaqla, özünü göstərməklə sübut etməlisən. Nizami milliyə çağırılmayıbsa, o demək deyildi ki, onun üzərindən xətt çəkiblər. Bir də gördük ki, Prosineçki onu da milliyə çağırdı.

 

- Təqribən 4 aydı oynamayan Arif Daşdəmirovun milliyə çağırılmasına münasibətiniz necədi?
- Bu məsələyə qarışa bilmərik. Bayaq dediyim ki, məşqçi bütün seçimlərinə özü cavabdehdi.

 

Heybət Məmmədov

Tarix
07.03.17 [16:49]
* Xəbərə şərh yoxdur. İlk şərhi sən yaz

Adınız
E-mail adresiniz
Şərhiniz

Xəbər xətti

23 İyun
22 İyun 

Facebook

Sorğu

Növbəti mövsümdən Premyer Liqada neçə klub iştirak etsin?
 8
 10
 12
 Daha çox

Copyright © 2017 Sportarena.az
Saytı hazırladı: Five studio