Ruslan Abışov "master-klass" keçdi - FOTOLAR

Sportarena.az      16 Mart 2018, 11:11
Martın 15-də "Neftçi”nin yarımmüdafiəçisi, eyni zamanda 4-cü İslam Həmrəyliyi Oyunlarının səfiri Ruslan Abışovun rəhbərliyi altında xüsusi master-klass keçirilib.
 
 
Sportarena.az xəbər verir ki, Gənc futbolçuları və Azərbaycan futbolunun gələcəyini dəstəkləyən "Səbail” futbol klubu bu tədbirə ev sahibliyi edib və doğma meydanı – "Bayıl Arena”nı təlim iştirakçılarının ixtiyarına verib. Təlimin yüksək səviyyədə təşkil olunmasına xüsusi həssaslıqla yanaşan "Səbail” bu cür tədbirlərə hər zaman dəstək olduğunu və olacağını bildirib.
 
 
Master-klassa əsasən "Vətən” və "Leon” klublarının 12-15 yaş kateqoriyasından olan azyaşlı və gənc futbolçuları qatılıblar. İki saata yaxın davam edən tədbirdə Ruslan yaşıl meydanda qazandığı təcrübəsini uşaqlarla bölüşüb.
 
 
Təlim zamanı iştirakçıların hər biri ilə ayrı-ayrılıqda məşğul olan Abışov əvvəlcə onlarla birlikdə isinmə hərəkətləri edib. Daha sonra iştirakçılara oyunun gedişatı zamanı müxtəlif vəziyyətlərdə istifadə edə biləcəkləri xüsusi taktikalar öyrədib. Təlimin sonunda tanınmış futbolçu uşaqlara sertifikatlar təqdim edib.
 
 
Qeyd edək ki, bundan öncə İslam Həmrəyliyi Oyunlarının səfirlərindən -cüdoçular Elmar Qasımov, Rüstəm Orucov, eləcə də güləşçimiz Hacı Əliyev öz idman sahələrinə uyğun master-klasslar təşkil etmişdilər və bu təlimləri Azərbaycan xalqına mənəvi təşəkkür kimi dəyərləndirmişdilər.
 
 
 
 
 
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin