"Fənərbaxça"nın prezidenti millimizlə oyuna görə etiraz etdi

13:36 1 Aprel 2017

“Fənərbaxça”nın prezidenti Əziz Yıldırım Türkiyə Futbol Federasiyasına etiraz edib.

 

Sportarena.az xəbər verir ki, klubun jurnalı üçün yazdığı yazıda o, ölkənin U-21 millisinə “Fənərbaxça”dan futbolçu dəvət edilməməsinə görə narazılığını bildirib. Əziz Yıldırım Türkiyənin U-21 komandasının bugünlərdə Ukrayna və Azərbaycanla yoxlama oyunu keçirdiyini xatırladıb.

 

Yıldırım “Fənərbaxça”nın U-21 liqasında lider olmasına baxmayaraq, sözügedən matçlara klublarından bir oyunçunun belə dəvət edilmədiyindən təəssüfləndiyini bildirib. O, məsələ ilə əlaqədar TFF prezidenti Yıldırım Dəmirörənə müraciət etdiyini də yazıb

 

 “Fənərbaxça”dan U-21 millisinə futbolçunun çağırılmamasında heç bir məntiq yoxdur. Bu, obyektivlikdən uzaq, türk futbolunun inkişafının qarşısını alan qərardır”.


Xəbər xətti