"Mənə elə burda da yaxşıdı” - Aleksandr Səmədov - AÇIQLAMA

18:37 3 Aprel 2017

Moskvanın “Spartak” klubunun yarımmüdafiəçisi Aleksandr Səmədov xaricdən aldığı təkliflər barədə danışıb.

 

Sportarena.az xəbər verir ki, Azərbaycan əsilli futbolçu İspaniyadan və Çindən təklif aldığını bildirib. Ancaq o, bu təkliflərdən imtina edib:

 

“Təxminən bir il əvvəl zəng edib dedilər ki, Çindən təklif var. Ora getməyə hazır olub-olmadığımı soruşdular. “Yox” cavabı verdim. Məgər bu, ekzotikadı? Görün nə qədər insan pula görə Çinə üz tutub. Amma bu, onların seçimidi.

 

2005-ci ildə “Lokomotiv”də çıxış edərkən Avropa Liqasında “Sevilya” ilə qarşılaşdıq. Moskvada keçirilən ilk oyundan sonra İspaniyaya - cavab qarşılaşmasına gedərkən, idman direktoru mənə yaxınlaşdı və dedi ki, iki ispan klubunun nümayəndələri sənin oyununa baxmağa gələcəklər. Təəccüblənsəm də, öz-özümə dedim ki, İspaniya nəyə lazımdı, mənə elə burda da yaxşıdı”.


Digər xəbərlər

Xəbər xətti