“Real” ciddi itkiylə üzləşib.
Sportarena.az xəbər verir ki, “kral klubu”nun müdafiəçisi Rafael Varan sıradan çıxıb. Bu barədə məlumatı klubun saytı yayıb. Məlumatda sol ayaq əzələlərində yırtıq aşkarlanan futbolçunun təxminən 1 ay yaşıl meydanlardan kənarda qalacağı vurğulanıb. Bu da o deməkdi ki, Varan Çempionlar Liqasının 1/4 final mərhələsinin “Bavariya” ilə, həmçinin, La Liqanın “Atletiko” və “Barselona”ya qarşı oyunlarını kənardan izləməli olacaq.
Qeyd edək ki, fransız müdafiəçi cari mövsümdə şans qazandığı 32 oyunda 4 qola imza atıb, 1 qol ötürməsi edib.