"Mütləq qələbə qazanmalıyıq" - Şahin Diniyev - AÇIQLAMA

10:30 9 Aprel 2017

“Kəpəz” Azərbaycan Premyer Liqasının 25-ci turunda “Neftçi” ilə keçiriləcək oyunun hazırlığını tamamlayıb.

 

Sportarena.az xəbər verir ki, dünən keçirilən son məşqdən sonra komandanın baş məşqçisi Şahin Diniyev derbi ilə bağlı fikirlərini klubun saytına açıqlayıb: 

 

“Rəqibimiz ilə turnir cədvəlində qonşu pillədəyik. Aramızda böyük olmayan xal fərqi var. Bunu aradan götürmək üçün Gəncədə mütləq qələbə qazanmalıyıq. Bunun üçün də meydanda çox çalışmaq lazımdır. Odur ki, sabah gərgin oyun olacaq. “Neftçi” ilk iki dövrəyə nisbətən indi daha güclüdür, yaxşı oyunçuları var. Azarkeşlər maraqlı görüşə tamaşa edəcəklər. Ümumiyyətlə, ölkənin iki ən köklü klubu qarşılaşır və bu oyunlar derbi sayılır. Bizim futbolçular bunu yaxşı başa düşürlər. Komandalar həmişə bir-birinə qarşı prinsipial rəqib olub, aralarında güzəştsiz mübarizə gedib. Sabah da yəqin belə olacaq”.


Digər xəbərlər

Xəbər xətti