Azərbaycan Premyer Liqasının 26-cı turu çərçivəsində “Qəbələ” ilə görüşəcək “Kəpəz” bu gün Gəncəyə gəlib.
Sportarena.az xəbər verir ki, qarşıdakı oyuna hazırlığın əsas hissəsini Bakıda keçirən “sarı-göylər” son məşqə matçın keçiriləcəyi şəhər stadionunda çıxıb. Hazırlıq prosesi təxminən 50 dəqiqə sürüb. İsinmə təmrinlərinin yerinə yetirilməsi ilə başlayan məşq topu çalışmalar və “kvadrat” ilə davam edib. Hazırlığın son bölümündə futbolçular taktiki çalışmalar üzərində işləyib. Məşq oyunçuların fərdi hazırlığı ilə başa çatıb.
Qeyd edək ki, “Kəpəz”in heyətində itki yoxdu. Əvəzedici heyətdə meydana çıxan Azad Kərimov ilə Əli Nuri sabahkı oyun üçün “18-liy”ə daxil ediləcək.