Azərbaycan Premyer Liqasının 2016/17 mövsümünün 26-cı turunda iki böyükhesablı nəticə qeydə alınıb.
Sportarena.az xəbər verir ki, öncə “Neftçi” paytaxt derbisində AZAL-ı 4 cavabsız qolla məğlub edib. Bu, mövsümdə 10-cu dəfə belə nəticə olub. Sonuncu dəfə 2 il 6 ay əvvəl - 2014-cü il noyabrın 2-də elə AZAL-la matçda belə uğura sevinən (4:0) “ağ-qaralar” mövsümdə ilk belə qələbəsini qazanıb. “Ağ-qaralar” cari mövsümdə mükafatçılar sırasına düşməyən komandalar arasında yeganə komandadı ki, belə qələbə qazanıb. Əvvəlki böyükhesablı qələbələrin hamısı ilk “üçlük”də qərarlaşan və mükafatı təmin edənlərin hesabındadı.
Turun ikinci günündə “İnter”i 3:0 hesabı ilə yenən “Qarabağ” mövsümün 11-ci, özünün 5-ci uğuruna imza atıb. “Qəbələ” 3, “İnter” 2, “Neftçi” 1 dəfə 3 və ya daha çox top fərqilə qalib gəlib.
“İnter” isə mövsümdə ilk dəfə belə fərqlə uduzub. Ağır məğlubiyyət alan klublara gəlincə, AZAL 4, “Neftçi” 3, “Sumqayıt” 2, “Kəpəz”, “İnter” 1 dəfə üzülüb.