"Baş məşqçi etimad göstəribsə, əlimdən gələni etməyə borcluyam" - Emil Balayev - AÇIQLAMA

Sportarena.az      27 Aprel 2018, 14:30

Birinci divizionda çıxış edən "Səbail"in qapıçısı Emil Balayev "Şəmkir"lə oyundan sonra açıqlama verib. Matçın son dəqiqəsində etdiyi vacib seyvlə komandasına 3 xal qazandıran Balayev, bununla da, “Səbail”i gümüş medala yaxınlaşdırdı.

 

Sportarena.az xəbər verir ki, 23 yaşlı futbolçu klubun rəsmi "facebook" səhifəsinə danışıb:

 

"Zaqatala" ilə oyunda xal itkisinə yol verdik və ikinci pillə uğrunda mübarizə gərginləşdi. Bu səbəbdən bu oyunda qazanılacaq qələbənin mahiyyətini komanda olaraq dərk edirdik. Rəqiblərimizi özümüzdən irəli buraxmamaq üçün komanda olaraq oyuna 100 yox, 200 faiz ciddiyyətlə hazırlaşırdıq. Oyun ağır keçdi, ancaq sonda sevinən tərəf olmağı bacardıq.

Həm ikinci hissənin əvvəlində qapımıza təyin olunan penalti epizodunda, həm də son dəqiqədə qapımız qarşısında yaranan təhlükədə komandanı qoldan xilas etdiyim üçün olduqca sevincliyəm. Baş məşqçi mənə start heyətində şans verərək, etimad göstəribsə, əlimdən gələni etməyə borcluyam. Bu epizodlarda sadəcə işimi gördüm. Əsas olan meydandan 3 xal ilə ayrılmaq idi.

"Bakılı"nın turnir cədvəlinin aşağı pillələrində yer almasına baxmayaraq, son oyuna da ciddi hazırlaşırıq. Məqsədimiz çempionatı ikinci pillədə bitirmək və gümüş medallara yiyələnməkdi". 
 

Qeyd edək ki, Balayev "Səbail"də icarə əsasında çıxış edir. O, müqaviləylə "Qarabağ"a məxsusdu.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin