İslam oyunlarında iştirak edəcək Azərbaycanın U-23 millisinin mətbuat üçün açıq məşqinin vaxtı məlum olub. Həmçinin, U-23-ün baş məşqçisi Yaşar Vahabzadənin mətbuat konfransının vaxtı da açıqlanıb.
Sportarena.az AFFA-nın saytına istinadən xəbər verir ki, mayın 3-də, saat 12:00-da Mərdəkan qəsəbəsindəki AFFA futbol mərkəzində yerləşən Milli Komandaların Məşq Mərkəzinin meydanında 23 yaşadək futbolçulardan ibarət Azərbaycan yığma komandasının mətbuat nümayəndələri üçün açıq məşqi olacaq.
Məşq başa çatdıqdan dərhal sonra isə məşq mərkəzinin konfrans zalında baş məşqçi Yaşar Vahabzadənin mətbuat konfransı keçiriləcək.