Bu gün Heydər Əliyev kubokunun təqdimatı keçirilib.
Sportarena.az xəbər verir ki, tədbir Naxçıvanın “Duzdağ” otelində baş tutub. Ayın sonunda baş tutacaq turnirdə minimum 8 komandanın iştirak etməsi planlaşdırılır. Turnirdə Türkiyədən də komandaların olacağı gözlənilir.
Yarışın qalibinə tərkibində 200 qram qızıl olan kubok təqdim ediləcək. Kubok bu gün keçirilən tədbirdə nümayiş olunub.
Qeyd edək ki, bu il təşkil ediləcək turnir sayca ikincidi. Ötən il baş tutan ilk yarışın qalibi hazırda mövcud olmayan “Neftçala” komandası olmuşdu.
