"Turan"ın azarkeşlərindən bəyanat - Yürüş keçirəcəklər

Sportarena.az      8 May 2018, 18:08

Birinci Divizionda bu mövsüm çempionluğunu qeyd edən "Turan Tovuz” komandasının Premyer Liqaya buraxılmayacağı barədə məlumatlar yayılmaqdadır.
 

Artıq bu xəbərlərdən agəh olan tovuzlu azarkeşlər etiraz aksiyası keçirməyi planlaşdırır. Onlar bu haqda sosial şəbəkələrdə bəyanat da yayıblar.
 
Sportarena.az bəyanatı olduğu kimi diqqətinizə çatdırır:

 
"Birinci divizionda çempionluğu bayram edən "Turan Tovuz” növbəti mövsümdən Premyer Liqada çıxış etmək hüququ qazandı. Lakin son günlərdə mətbuatda "Turan Tovuz”un Premyer Liqaya buraxılmayacağına dair xəbərlər yer almaqdadı.
 
Azərbaycan futbolunu beşiyi, futbolumuzun döyünən ürəyi Tovuzun Premyer Liqaya rəng qatacağı bütün ölkəyə məlumdu. Rəhbərlik səviyyəsində maliyyə məsələsinin həll olunması üçün lazımı tədbirlər görülür. İnanırıq ki, ən qısa müddətdə bu məsələ həllini tapacaq və doğma komandamız Premyer Liqaya vəsiqə qazanacaq.

 

Bizlər, tovuzlular şanlı komandamıza dəstəyimizi daim göstərmişik və hər zaman yanında olmuşuq. May ayının 9-da saat 12-00-da Tovuz şəhər stadionunun önündə "Turan Tovuz”a dəstək yürüşü keçiriləcəkdir. Tovuzu, "Turan”ı sevən hər kəsi bu tədbirə dəvət edirik! Səsimizi duyurmaq üçün hamımız bir olaq!”

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin