Azərbaycan Ağır Atletika Federasiyasına təşəkkürnamə təqdim edildi

Sportarena.az      14 May 2018, 14:19

IV İslam Həmrəylik Oyunları çərçivəsində 13-17 may tarixlərində Şüvəlan qəsəbəsindəki Ağır Atletika Akademiyasında ağır atletika üzrə yarışlar keçiriləcək. Turnirin gedişini izləmək üçün Beynəlxalq Ağır Atletika Federasiyasının (IWF) prezidenti Tomaş Ayan da Bakıya səfər edib.

 

Sportarena.az xəbər verir ki, qurum rəsmisi yarışların təşkilat səviyyəsindən razı qalıb. Cənab Ayan bunu bir daha ifadə etmək üçün xüsusi addım atıb. IWF prezidenti və qurumun İdarə Heyətinin üzvü Mohammad Cəlud rəhbərlik etdikləri təşkilatın xüsusi təşəkkürnaməsini Azərbaycan Ağır Atletika Federasiyasının (AAAF) vitse-prezidenti Tofiq Heydərov və baş katib Rizvan Rəsulova təqdim ediblər.


Tomaş Ayan qısa nitq söylərək İslam Oyunlarında qonaq olmaqdan böyük məmnunuluq duyduğunu bildirib:

 

“Bakıdakı təşkilatçılıq çox yüksək səviyyədədir. Gördüklərim məni sevindirdi. Həmişə olduğu kimi Azərbaycan bu işlərdə öncüllərdəndir. Ağır atletikaya verilən xüsusi dəyərə təşkilatçılıq zamanı bir daha şahid oldum. AAAF rəhbərliyinə, onun vitse-prezident və baş katibinə bu mükafatı təqdim edərək öz təşəkkür və sayğımı bildirirəm. Mənə, ümumilikdə bu idman növünə xoş münasibətə, belə yüksək səviyyəli yarış təşkilinə görə bir daha təşəkkür edirəm”.

 

 

 

 

 

 

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin