IV İslam Həmrəyliyi Oyunlarında keçirilən boks yarışlarında 1/4 final mərhələsinə start verilib.
Sportarena.az xəbər verir ki, Azərbaycan millisinin üzvü, 60 kq çəki dərəcəsində mübarizə aparan dünya çempionu Cavid Çələbiyev türkiyəli Hakan Doğanla (Türkiyə) üz-üzə gəlib. Görüş Çələbiyevin 5:0 hesablı qələbəsi ilə başa çatıb.
Bununla da 25 yaşlı idmançı ən azı bürünc medalı təmin edib. Bu, boks yığmamızın təmin etdiyi ilk medaldır.
Çələbiyev mayın 17-də keçiriləcək yarımfinalda qazaxıstanlı Sultan Zaurbəylə döyüşəcək.