Boksçularımız 1/2 finalda - YENİLƏNİB

Sportarena.az      15 May 2018, 21:55

IV İslam Həmrəyliyi Oyunlarını çərçivəsində keçirilən boks yarışlarında 1/4 final mərhələsinin görüşlər davam edir.

 

Sportarena.az xəbər verir ki, bu gün yarımfinal üçün yığmamızın 4 üzvü rinqə çıxıb. Onlardan 3-ü qələbə qazandığı halda, 1-i məğlubiyyətə üzülüb. Belə ki, həmyerlilərimizdən ilk olaraq mübarizəyə 49 kq çəki dərəcəsində yarışan Rüfət Hüseynov qoşulub. O, Omid Əhmədisafa (İran) ilə qarşılaşıb. Təəssüf ki, boksçumuzun debütü uğursuz olub. İranlı boksçu 4:1 hesabı ilə qalib gəlməklə, mərhələ adlayıb.

 

Onun ardınca yarışa qoşulan Tayfur Əliyev döyüşünü vaxtından əvvəl başa vurub. 56 kq-da isə ölkəmizin idman şərəfini qoruyan Avropa Oyunlarının mükafatçısı mərakeşli Taoufik Kaçfinı mübarizədən kənarlaşdırıb. Həmyerlimiz ilk raundda rəqibinin qaşını partladıb və qan dayanmadığı üçün qələbə Tayfura verilib. O, mayın 17-də baş tutacaq yarımfinalda özbəkistanlı Abdulxay Şaraxmatovla qarşılaşacaq. 

 

Tamerlan Abdullayev ikinci döyüşünə çıxıb. 69 kq çəki dərəcəsindəki təmsilçimiz qətərli Tulasimaraam Tarumalinqamla üz-üzə gəlib. Döyüş Tamerlanın üstünlüyü ilə keçib. Boksçumuz çıxışını 3:0 hesablı qələbə ilə başa vurub.  Abdullayev yarımfinalda qazaxıstanlı İlya Oçkinlə döyüşəcək. Görüş mayın 17-də olacaq. 

 

+91 kq çəki dərəcəsində mübarizə aparan Məhəmmədrəsul Məcidov isə turnirdəki ikinci döyüşünə çıxıb. İlk matçda qazaxıstanlı Nurlan Saparbaya qalib gələn idmançımız 1/4 finalda Uosri Hafizlə (Misir) döyüşüb. Görüş ikinci raundda rəqibin mübarizədən imtina etməsi səbəbindən yarımçıq dayandırılıb və dünya çempionumuz qalib elan olunub. Məcidov yarımfinalda Hüsseyn İaşaişlə (İordaniya) üz-üzə gələcək. Görüş mayın 17-də keçirləcək. 

 

Qeyd edək ki, reqlamentə əsasən, yarımfinala yüksəlmiş boksçular ən az bürünc medalı özləri üçün təmin etmiş olurlar.IV İslam Həmrəyliyi Oyunlarını çərçivəsində keçirilən boks yarışlarında 1/4 final mərhələsinin görüşlər davam edir. Apasport.az saytının məlumatına görə, bu gün yarımfinal üçün yığmamızın 4 üzvü rinqə çıxıb. Onlardan 3-ü qələbə qazandığı halda, 1-i məğlubiyyətə üzülüb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin