“Kəpəz”in məşqçilər korpusunda yeni təyinat olub.
Sportarena.az xəbər verir ki, bu barədə klubun rəsmi saytı məlumat yayıb. Gəncə klubunun U-19 komandasının baş məşqçisi olan Vidadi Rzayev bundan sonra fəaliyyətini əsas komandada davam etdirəcək. O, Şahin Diniyevin köməkçisi olacaq. A kateqoriyasına malik Rzayev ilə bir illik müqavilə bağlanacaq.
Qeyd edək ki, Rzayev vaxtilə futbolçu, karyerasını başa vurduqdan sonra isə ayrı-ayrı illərdə “Kəpəz”in məşqçisi və baş məşqçisi olub.