Türkiyə vətəndaşlığını qəbul etmiş əslən azərbaycanlı atlet Ramil Quliyev yeni uğura imza atıb.
Sportarena.az xəbər verir ki, 27 yaşlı atlet Finlandiyanın Turku şəhərində atletika yarışlarında 100 metr məsafəni 10:02 saniyədə qaçıb.
Bununla özünün ən yaxşı dərəcəsini əldə edən Ramil Quliyev 2017-ci ildə məşhur atlet, olimpiya çempionu Useyn Boltu keçən idmançılar arasında yer alıb. Boltun bu il ən yaxşı göstərici isə 10:03 olub.
Qeyd edək ki, R.Quliyev 2011-ci ildə Türkiyə vətəndaşlığını qəbul edərək Türkiyə bayrağı altında çıxış etməyə başlayıb.