AFFA "Bakı"ya texniki qələbə verəcək?

Sportarena.az      15 İyun 2018, 17:14

Həvəskarlar arasında keçirilən çempionatda mübarizə aparan "Bakı"nın son turdakı oyunu baş tutmayıb.

 

Sportarena.az xəbər verir ki, iyunun 11-də "Enginet"lə qarşılaşmalı olan paytaxt təmsilçisinin rəqibinə texniki məğlubiyyət veriləcəyi gözlənilir. Hərçənd keşləlilər matça gəlib, meydana çıxmağa hazır olduqlarını bildirib və təşkilatçılıq baxımından da problem olmadığını deyiblər. Ancaq hakim onların dəlillərini qəbul etməyərək, qarşılaşmanı başlamadan bitirib.


Əvvəla, "Bakı" saat 19.00-da başlaması nəzərdə tutulan oyun üçün "İnter Arena"ya gələndə 4-cü meydançada yoxlama matçı keçirilirmiş. Bu üzdən də komandalar yarım saatdan çox gözləmək məcburiyyətində qalıblar. Sonra hakim futbolçuların lisenziyasını yoxlayarkən məlum olub ki, "Enginet"in iki futbolçusunun sənədi yoxdu. Düzdü, keşləlilər adını protokola saldıqları həmin futbolçuların lisenziyasının surətini "Bakı"nın nümayəndələrinə təqdim etməyə hazır olduqlarını bildiriblər. "Zolaqlılar" isə buna etiraz etməyib. Ancaq çox keçmədən məlum olub ki, stadionda polis yoxdu. "Enginet" rəsmiləri asayişin pozulmayacağıyla bağlı zəmanət verməyə hazır olduqlarını desələr də, hakim bununla razılaşmayıb. Hətta köməkçi-hakim əvvəl bu komandanın oyununa təyinat aldığını və insident yaşanmasına şahid olduğunu deyib. Bundan sonra baş hakim qətiyyətlə qarşılaşmanın start fitini səsləndirməkdən imtina edib. Beləliklə, oyun baş tutmayıb. AFFA-nın İntizam Komitəsinin növbəti iclasında "Bakı"ya texniki qələbə veriləcəyi gözlənilir. (Futbol+)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin