Avstriyada təlim-məşq toplanışını davam etdirən “Qəbələ” ötən gün mini turnirdə iştirak edib.
Sportarena.az xəbər verir ki, "qırmızı-qaralar" Avstriyanın “Vakker” və Bolqarıstanın MOİK klubları ilə birlikdə “Stubay Cup”da qüvvəsini sınayıb. Klublar bir-biri ilə 1 hissədən ibarət oyunlarda qarşılaşıblar. Əvvəlcə "Vakker"lə üz-üzə gələn təmsilçimiz 0:1 hesablı məğlubiyyətlə üzləşib. "Qəbələ" ikinci görüşdə də uduzub - 0:2. Mini turnirin qalibi isə "Qəbələ" ilə yanaşı "Vakker"i 3:1 hesabı ilə məğlub edən MOİK olub.
Qeyd edək ki, “Qəbələ” Avstriya toplanışında iki yoxlama oyunu keçirib. “Fulpmes”ə 8:0 hesabı ilə qalib gələn “qırmızı-qaralar” Rusiya “Axmat”ına uduzub - 0:1.