Zaur Svanadze: "Mladost" səddini keçə bilərik" - AÇIQLAMA

Sportarena.az      19 İyun 2018, 17:46

“Rəqibimizin kim olduğunu bildik. Artıq diqqətimizi ilk oyunun hazırlığına yönəldəcəyik”

 

Sportarena.az xəbər verir ki, bu sözləri apasport.az saytına açıqlamasında “İnter”in baş məşqçisi Zaur Svanadze deyib. Ölkəmizi Avropa Liqasında təmsil edəcək bakılılar ilk təsnifat mərhələsində Serbiyanın “Mladost” klubu ilə üz-üzə gələcəklər. Püşkü dəyərləndirən Svanadze bəxtlərinin gətirmədiyini bildirib. Bununla belə, gürcüstanlı mütəxəssis mərhələ adlamağa çalışacaqlarını qeyd edib:

 

“Deyərdim ki, ən çətin rəqib bizə düşdü. “Mladost” güclü komandadı. Serbiya futbolu həmişə yaxşı mənada fərqlənib. Rəqib barədə ətraflı məlumat toplayacağıq. Kiminlə düşmək istərdik? Artıq bunun mənası yoxdu. Belə baxanda, böyük fərq etmir. Bəxtimizə hansı komanda düşübsə, ona qarşı da oynamalıyıq. Futbolda istənilən nəticə qeydə alına bilər. Hər komandanın şansı var. İndiki məqamda məni yalnız “Mladost”la oyunlar maraqlandırır”.

 
Svanadze hazırkı heyətlə də Avropa Liqasında uğurlu çıxış etməyin mümkün olduğunu vurğulayıb:

 

“Futbolçularıma inanıram. Bu heyətlə də mübarizə apara, “Mladost” səddini keçə bilərik. Necə olacağını görəcəyik? Amma istənilən rəqibə qarşı oynayıb, uğur qazanmaq olar. Hazırlıqdan çox şey asılıdı. Matça eyni tempdə hazırlaşmaqda davam edəcəyik”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin