Avropa Liqasının 2-ci təsnifat mərhələsinin “Qəbələ” - “Yagelloniya” oyununun hakimləri açıqlanıb.
Sportarena.az xəbər verir ki, UEFA matçı almaniyalı hakimlər briqadasına həvalə edib. Matçın baş hakimi Marko Frits olacaq. Ona həmyerliləri Holqer Henşel və Marsel Payqrim kömək edəcəklər. Oyunun ehtiyat hakimi isə Qvido Vinkmann olacaq.
“Qəbələ” - “Yagelloniya” oyunu iyulun 13-də, saat 21:00-da “Dalğa Arena”da keçiriləcək.