Seneqal kubokunun finalında faciə yaşanıb.
Sportarena.az xəbər verir ki, paytaxt Dakarda keçirilən final oyununda “Stad de Mbur”la “Yunion Sportiv Uakam” üz-üzə gəlib. “Stad de Mbur” əlavə vaxtda 2:1 hesabı ilə qalib gəlib.
Final fitindən sonra tribunalarda azarkeşlər arasında qarşıdurma yaşanıb. Polis olaya müdaxilə edib. Azarkeşləri sakitləşdirmək istəyən polis gözyaşardıcı qazdan istifadə edib.
Bu da azarkeşlər arasında panikaya səbəb olub. Bu zaman stadionun divarlarından biri təzyiqə dözməyərək uçub. Ən azı 8 nəfərin öldüyü, yüzlərlə insanın xəsarət aldığı bildirilir.