"Ostersunds"la oyunda ayağında zərbə alan "Qalatasaray"ın futbolçusu Yasin Öztekinin son durumu ilə bağlı klub tərəfindən məlumat yayılıb.
Sportarena.az xəbər verir ki, futbolçunun sağ ayağının "sərçə" barmağında qırıq aşkarlanıb. Bu isə futbolçunun böyük ehtimalla cavab görüşündə meydana çıxmayacağı anlamına gəlir.
Klubdan artıq onun müalicəsinə başlanıldığı haqda Türkiyə mətbuatına bilgi verilib. Məlumatda futbolçunun sağ ayağının 5-ci barmağının proximal falanks sümüyündə qırıq aşkarlandığı yazılıb.