"Qəbələ"də yeni müqavilə

15:14 24 İyul 2017

2015-ci ildə “Qəbələ” İdman Klubu ilə “SARAR ” şirkəti arasında imzalanan iki illik geyim sponsorluğu müqaviləsi ötən müddət ərzində hər iki tərəf üçün uğurlu olduğu üçün anlaşmanın daha iki il müddətinə uzadılması qərarlaşdırılıb.

 

Sportarena.az xəbər verir ki, əldə olunan razılaşmaya əsasən “Sarar” növbəti iki mövsüm ərzində “Qəbələ”nin futbolçu və texniki heyətini yay və qış geyimləri ilə təmin edəcək. Əvəzində isə “Qəbələ"nin ev oyunlarında “Sarar”ın reklam bannerləri yerləşdiriləcək. 

“Sarar” şirkətinin Azərbaycan nümayəndəsi Məsut Dəmirtaş yeni müqavilə ilə bağlı bu fikriləri səsləndirib:

 

“Qəbələ” İK iki mövsümdü Avropada layiqli mübarizə aparır. Bu müddət ərzində özümüzü artıq bu uğurun bir parçası hesab edirik ki, bu da “Sarar” olaraq bizi son dərəcə məmnun edir. Ona görə də, əməkdaşlığımızın müddətini daha iki il artırmağa qərar verdik. İnanıram ki, klubla olan münasibətimiz daha uzun müddəti əhatə edəcək”.

“Qəbələ” İdman Klubunun Media və Marketinq departamentinin rəhbəri Səməd Nəsibov da əməkdaşlıqla bağlı fikirlərini bildirib:

 

“İki qurum arasında sponsorluq razılığının əldə edilməsi hər zaman çox çətin və əmək tələb edən prosesdi. Ancaq bir sponsorluq əməkdaşlığını növbəti mərhələyə keçirərək artırmaq daha çətindi. “Sarar” kimi qlobal bir brend ilə əməkdaşlığımızda bunu bacardığımız üçün çox sevincliyik.”.

Xartırladaq ki, 1944-cü ildə fəaliyyətə başlayan "Sarar" şirkəti keyfiyyətli, dəbə və müxtəlif zövqlərə uyğun məhsulları ilə hazırda 5 qitədə və 51 ölkədə müştərilərinə xidmət göstərən qlobal brenddi. Təcrübəli və istedadlı dizaynerlərin işləri ilə kişi və qadın moda dünyasının istiqamətini müəyyənləşdirən və dəbə yön verən "Sarar" artıq bir çoxlarının əvəzolunmaz geyim markasına çevrilib. 

İdmana xüsusi diqqət ayıran "Sarar" hal hazırda Tükiyənin futbol və basketbol milli komandalarının (1996-cı ildən), "Beşiktaş" və "Trabzonspor"un sponsorudu. Bundan başqa 1997-2013 cü illər arasında "Qalatasaray" və "Bursaspor" komandaları "Sarar"la əməkdaşlıq edib.


Digər xəbərlər

Xəbər xətti