“Real” yoxlama oyununda qüvvəsini sınayıb.
Sportarena.az xəbər verir ki, “kral klubu” ABŞ-da baş tutan oyunda MLS-də top qovan ulduz oyunçulardan təşkil edilmiş “MLS All Stars”la qarşılaşıb.
Oyunda hesabı Madrid təmsilçisi açıb. Borxa Mayoral matçın 59-cu dəqiqəsində komandasını hesabda önə keçirib. Qarşılaşmanın 87-ci dəqiqəsində isə Dom Duayer status-kvonu bərpa edib. Matç bu hesabla da başa çatıb. Penaltilər seriyasında daha dəqiq oynayan (4:2) “Real” oyundan qələbəylə ayrılıb.
Vaxtilə “kral klubu”nun şərəfini qorumuş, hazırda isə MLS klublarından “Orlando Siti”də top qovan Kaka da “MLS All Stars”ın heyətində sabiq komandasına qarşı çıxış edib.