Qriqorçuk: "Sadəcə rəqib çox güclü idi"

Sportarena.az      4 Avqust 2018, 00:08

Avropa Liqasının 3-cü təsnifat mərhələsinin cavab oyununda evdə “Panatinaikos”a 1:2 hesabıyla məğlub olan “Qəbələ” mübarizəni dayandırıb.

 

Sportarena.az xəbər verir ki, matçdan sonra “qırmızı-qaralar”ın baş məşqçisi Roman Qriqorçuk jurnalistlərin suallarını cavablandırıb:

 

- “Qəbələ” avrokuboklarda adətən hesabı açan tərəf olsa da, üstünlüyünü qoruyub saxlaya bilmir. Buna səbəb nədi?
- Bu, heç də həmişə belə olmur. Elə olur ki, rəqib hesabı açır, biz cavab veririk. Bu barədə nə deyəcəyimi bilmirəm.

 

- Bu gün komandanın oyununda nə alınmadı?
- Biz bir qol vurduq, rəqib iki. Nəyi düz etmədik? Sadəcə, 3 qol vurmadıq. Bu gün sadəcə, rəqib çox güclü idi. Həm komanda oyununda, həm də fərdi oyunda.

 

- Azərbaycanda çalışmağa başlayandan Avroliqanın qrup mərhələsində çıxış etmisiz. Bu dəfə qrup mərhələsindən kənarda qaldız. Bu, “Qarabağ”la çempionluq uğrunda mübarizədə komandaya kömək ola bilər?
- İstəməzdik ki, belə olsun. Deyə bilmərəm, necə olacaq. Bir cəbhədə mübarizə aparmağın komandanın nəticələrinə necə təsir edəcəyini bilmirəm.

 

- Heyətdə çoxlu legioner var. Düşünmürsüz ki, çempionatda bu oyunçuların çoxundan istifadə edə bilməyəcəksiz? 
- Düşünmürəm ki, bizdə artıq legioner oyunçular var. Son 3 ildə komanda belə komplektləşməmişdi.

 

- Ötən ilki heyətlə bugünkünü müqayisə edəndə, komandada hansı tipdə futbolçu çatışmırdı?
- Kombinasiyalı, sürətli oyunu çox xoşlayıram. Geridən top ötürəndə irəlidəki oyunçu topu saxlayıb, hücumun qurulmasına kömək edir. Bizdə məhz bu cür oyunçu çatışmırdı.

 

- Bu məğlubiyyətdən sonra komandanı çempionata necə kökləyəcəksiz? Psixoloji cəhətdən onları qarşıdakı oyunlara kökləmək çətin olmayacaq ki?
- Düşünmürəm ki, klubda kimsə bugünkü məğlubiyyətə görə ciddi təəssüflənsin. Çünki rəqib çox güclü idi. Fövqəladə bir şey baş verməyib. Güclü rəqiblə oynadıq. Bu da, bizim çempionata yaxşı hazırlaşmağımız üçün yaxşıdı.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin