Arda Turan yenidən Türkiyə millisində - RƏSMİ AÇIQLAMA

Sportarena.az      11 Avqust 2018, 11:57

Bir müddət öncə Türkiyə millisində oynamayacağını açıqlayan Arda Turan fikrini dəyişib.

 

Sportarena.az xəbər verir ki, “Barselona”nın üzvünün fikrinin dəyişməsində “ay-ulduzlular”ın yeni baş məşqçisi Mirça Luçeskunun xüsusi rolu olub. İspaniyaya gedərək yarımmüdafiəçini milliyə qayıtmaqla bağlı dilə tutan rumıniyalı mütəxəssisin cəhdi nəticəsiz qalmayıb. Belə ki, Arda sosial şəbəkədəki şəxsi hesabında baş məşqçi dəvət edəcəyi təqdirdə, millidə oynamaqdan qürur duyacağını açıqlayıb:

 

“Bildiyiniz kimi, Kosova ilə oyundan öncə yaşanmış xoşagəlməz hadisədən sonra milli karyeramı bitirmişdim. Bu qərarı almağıma səbəb, adım ətrafında yaranmış söz-söhbətin milli komandaya və o müqəddəs formaya zərər verməsi idi. Bu müddətdə federasiya başçısı Yıldırım Demirörenin səbrli davranışı və baş məşqçimiz Mirça Luçeskunun xoş münasibəti qərarıma yenidən baxmağıma səbəb oldu. Bir şeyi bilməyinizi istəyirəm ki, millinin heç bir futbolçuya ehtiyacı yoxdu, ancaq bizim həmişə bu formanı daşımağa ehtiyacımız var. Bu andan etibarən baş məşqçimiz ehtiyac duyacağı təqdirdə, yenidən milli formanı geyinməkdən şərəf duyacağımı bilməyinizi istəyirəm. Qalan 4 oyunda və bundan sonra komanda yoldaşlarımın yanında olmaq istədiyimi diqqətinizə çatdırıram”.

 

Xatırladaq ki, bir müddət öncə millini daşıyan təyyarədə jurnalistə hücum edən Arda, federasiya rəhbərliyi tərəfindən yığmadan müvəqqəti olaraq kənarlaşdırılmışdı. Bundan sonra mətbuat konfransı təşkil edən yarımmüdafiəçi, milli karyerasını başa vurduğunu açıqlamışdı.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin