Elxan Abdullayev: "Səlahət topu tutmağa çıxmasaydı, qol olmayacaqdı"

Sportarena.az      12 Avqust 2018, 02:15

Azərbaycan Premyer Liqasının 1-ci turunda evdə “Qarabağ”a 1:3 hesabıyla uduzan “Neftçi”nin baş məşqçisi Elxan Abdullayev oyunsonrası mətbuat konfransında jurnalistlərin suallarını cavablandırıb.

 

Sportarena.az xəbər verir ki, Abdullayev öncə oyunla bağlı fikirlərini bildirib:

 

- Çempionatın startını səbirsizliklə gözləyirdik. Yaxşı başlamaq istəyirdik, amma alınmadı. İlk hissəyə baxanda fasilədən sonra yaxşı oynadıq. 1:3 hesablı məğlubiyyətdən sonra danışmaq çətindi. Azarkeşlərimiz bu gün yaxşı dəstək oldular. Belə alındı. Növbəti matçlarda qalib gəlməyə çalışarıq.

 

- Elnur Cəfərovun oyunundan nə dərəcədə razı qaldnız?
- Matç əvvəldən planlaşdırdığımız kimi getmədi. Buraxdığımız ilk qol planlarımızı pozdu. Elnura vaxt lazımdı. Gənc futbolçudu, gələcəyi var. Nəsə alınmırdı, amma çalışırdı. Necə razı qala bilərəm ki, məğlub olmuşuq. Lakin perspektivi var.

 

- “Neftçi” rəqibinə nədə uduzdu? 
- Mən istəyərəm ki, “Qarabağ” həmişə əsas heyətlə oynasın. Çünki çoxdan oynamayan futbolçular özlərini göstərməyi daha çox istəyirlər. İkinci heyət dediyiniz milli üzvlərindən ibarətdi. Təcrübə sözünü dedi. 7-8 ildi bir yerdə oynayan futbolçulardı. Amma bu o demək deyil ki, biz uduzmalıydıq.

 

- Səlahət Ağayev “İnter”in “Fola” ilə səfərdəki matçlarında da kobud səhvlərlə yadda qalmışdı. Onunla bağlı nə baş verir?
- Yəqin ki, özü analiz edəcək. “Fola” ilə oyunu müzakirə etmək istəmirəm. Bugünkü görüşə gəlincə, o epizodda çıxmamalı idi. Qapıda dayanıb, topu tutmağa çıxmasaydı, qol olmayacaqdı.

 

- Belə görünürdü ki, oyunu Derlis Meza Kollinin üzərində qurmuşdunuz. Komandaya yeni qoşulduğunu nəzərə alsaq, əsas heyətdə yer verməyə məcbur idiniz?
- Mən onun oyunundan razı qaldım. Ötürmələrdə səhvi, demək olar ki, olmur. Düzdü, çoxdandı oynamırdı. Amma mənə belə futbolçu lazımdı. Oyundan-oyuna artıracaq.

 

- İkinci hissədə “Neftçi”nin oyununda fərqə nə səbəb oldu?
- Pressinq etməyə başladıq. İlk dəqiqələrdən elə oynamaq istəmirdik. Planım o idi ki, üstünlüyü rəqibə verib, onları əks-hücumda tutaq. Amma öz səhvlərimizdən qollar buraxdıq və bütün planımız pozuldu. (Komanda.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin