Samir Əliyev: "Qorxduğumuz başımıza gəldi"

Sportarena.az      13 Avqust 2018, 22:23

Azərbaycan Premyer Liqasının 1-ci turunda səfərdə “Zirə”yə uduzan (1:2) “Səbail”in baş məşqçisi Samir Əliyev oyunsonrası mətbuat konfransında jurnalistlərin suallarını cavablandırıb.

 

Sportarena.az xəbər verir ki, Əliyev əvvəlcə oyunla bağlı fikirlərini bildirib:

 

- Komanda sıfırdan yığılıb. Bu gün bir yerdə olmağımızın bir ayı tamam oldu. Avroliqada oynamış komandaya qarşı çıxış etdik. Qorxurduq ki, ilk 10-15 dəqiqədə qol buraxaq. Qorxduğumuz başımıza gəldi. Sonradan toparlanaraq, bir neçə qol vəziyyəti yaratsaq da, istifadə edə bilmədik.

 

- Müdafiədə boşluqlar var idi. Bu boşluqları doldurmaq üçün yeni oyunçular alına bilər?
- Boşluqların olması normaldı. Çünki yeni komandadı. Həm də müdafiədəki oyunçuların çoxunun 20-21 yaşı var. Hazırda heyətdə 25-26 futbolçu var.

 

- Bu gün bir az aqressiv görünürdüz. Əvvəllər “Neftçi”də çalışanda belə deyildiz. 
- Düzdü, bir az aqressiv idim. Çalışacam gələn oyunlarda belə olmasın. Əlimizdən gələni edəcəyik ki, əlimizdə olan futbolçulardan maksimum istifadə edək.

 

- “Səbail”in məqsədi nədi?
- Bu mövsüm əsas məqsədimiz yüksək liqada yerimizi qorumaqdı. Növbəti mövsümdən sonra isə yüksək yerlər uğrunda mübarizə aparmaq. Bu il də mövsümün gedişindən asılı olaraq məqsədimiz dəyişə bilər.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin