Fequli "Qalatasaray"da

Sportarena.az      15 Avqust 2018, 17:40

Türkiyənin "Qalatasaray" klubu növbəti transferini rəsmiləşdirib.

 

Sportarena.az xəbər verir ki, "sarı-qırmızılar" İngiltərənin "Vest Hem" klubundan əlcəzairli futbolçu Sofiane Fequlini heyətinə qatıb. Bu barədə İstanbul klubunun rəsmi saytı məlumat yayıb. Məlumatda bildirilir ki, futbolçu ilə 5 illik müqavilə imzalanıb.

 

"Qalatasaray" bu transferə görə "Vest Hem"ə 4 milyon 250 min avro təzminat ödəyib. Futbolçu özü isə İstanbul klubunda 5 il içində bütövlükdə 19 milyon 250 min avro gəlir əldə edəcək. O, hər mövsüm üçün 3 milyon 850 min avro qazanacaq.

 

Fransada anadan olan və bu ölkənin də vətəndaşlığını daşıyan Fequli peşəkar karyerasına da məhz 2005-ci ildə "Qrenobl"da başlayıb. 2010-cu ildə isə o, Fransa klubudan "Valensiya"ya (İspaniya) transfer olunub. 2011-ci ildə "Almeriya"da da icarə əsasında çıxış edən 28 yaşlı yarımmüdafiəçi "Vest Hem"də 2016-cı ildən oynayırdı.

 

Vaxtilə Fransanın U-18 və U-21 yığmalarında oynamış Fequli 2012-ci ildən Əlcəzair millisinin uğurları üçün çalışır.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin