Çempionlar Liqasının pley-off mərhələsində keçiriləcək "Kopenhagen" - "Qarabağ" cavab matçının hakim təyinatları açıqlanıb.
Sportarena.az xəbər verir ki, oyunu İspaniyadan olan hakimlər briqadası idarə edəcək. Matçın baş hakimi Alberto Undiano Malenko olacaq. O, ölkəsinin tanınmış referilərindən biridir. Ölkədaxili bir çox önəmli matçlara təyinat alır. Eyni zamanda, UEFA və FİFA da ona etimad göstərir.
Qeyd edək ki, “Qarabağ” Bakıdakı ilk oyunda 1:0 hesablı qələbə qazanıb.
Çempionlar Liqası: Pley-off mərhələsi, cavab oyunu
23 avqust
22:45 Kopenhagen (Danimarka) - Qarabağ (Azərbaycan)
Hakimlər: Alberto Undiano Malenko, Roberto Alonso Fernandes, Raul Martines, Dieqo Barbero Sevilya
Köməkçi hakimlər: Alexandro Hernandes, Xose Mariya Sançes
Hakim-inspektor: Alfredo Trentalanye (İtaliya)
UEFA nümayəndəsi: Alan Makrae (Şotlandiya)
Kopenhagen. "Parken" stadionu.