Çempionlar Liqasının pley-off mərhələsində iki oyunun nəticəsinə əsasən (1:2, 1:0) “Kopenhagen”i mübarizədən kənarlaşdıraraq Azərbaycan futbolunda yeni tarix yazan “Qarabağ” Türkiyə mətbuatının da diqqət mərkəzinə düşüb.
Sportarena.az xəbər verir ki, qardaş ölkənin “Tivibu Spor” telekanalında efirə gedən “Çempionlar Ekranı” proqramında “Qarabağ”ın tarixi uğuru barədə bəhs edilib. Proqramın aparıcıları Kerem Gürel və Ali Ece təmsilçimizin uğuru barədə danışıblar.