“Roma”nın əfsanəsi Françesko Totti Çempionlar Liqasının qrup mərhələsinin püşkünü dəyərləndirib.
Sportarena.az xəbər verir ki, ötən mövsümün sonunda futbolçu karyerasını bitirən Totti doğma klubunun “Çelsi”, “Atletiko” və “Qarabağ”la eyni qrupa düşməsindən danışıb. Hazırda “Roma” rəsmisi kimi fəaliyyət göstərən sabiq kapitan bütün rəqiblərə hörmətlə yanaşdıqlarını bildirib:
“Bilirik ki, “Çelsi”, “Atletiko” və “Qarabağ” hörmət ediləsi rəqiblərdi. Biz həmişə rəqiblərə qarşı bu cür davranmışıq. Ancaq “Roma” ilə oyunlar onlar üçün uğursuz alına bilər”.